Alþingi mistókst í morgun að ná samkomulagi um tilhögun þingfundar í dag þar se, leggja á fram frumvarp um lagasetningu á verkfall heilbrigðisstétta á Landspítalanum. Þingfundi hefur verið frestað til 13:30. Mótmælendur á Austurvelli segja lagastetningu ígildi upppsagna.
Upphaflega var áformað að þingfundur hæfist um 10:00 í morgun, en rúmlega klukkustund síðar var sagt að fundur ætti að hefjast 11:30. Nú hefur fundi verið frestað til hálf tvö sem fyrr segir. Ástæða enn frekari frestunar fundarins mun vera vegna fundar sem Sjálfstæðisflokkurinn stendur fyrir Valhöll í hádeginu þar sem Bjarni Benediktsson fjármálaráðherra mun ræða um afnám haftanna, efnahagsmál og skattalækkanir og ástand og horfur í stjórnmálum.
Eins og hringbraut.is hefur greint frá kom ríkisstjórnin saman til fundar í gærkvöld, en þar var ákveðið var að leggja fram gfrumvarp um að fresta verkfall BHM og FÍH til 1. júlí og setja málið í gerðardóm að því loknu hafi samningar þá ekki náðst.
Erfiðlega hefur gengið í morgun að ná samstöðu milli stjórnar og stjórnarandstöðu um þingstörfin í dag.
Töluverður hópur mómælenda er staddur á Austurvelli. Þeiri hafa lagt mótmælaspjöld við þinghúsið, en á þeim stendur: \"Mannréttindi? Nei + Launajafnrétti? Nei = Uppsögn? Já“
