Umfjöllun er sérstaklega um plast í nýjasta þættinum af Súrefni, þætti um umhverfismál í umsjón Lindu Blöndal.
Stærsta umbúðafyrirtæki á Íslandi eru Samhentir en það byrjaði sem kassagerð árið 1996. Í þættinum er fyrirtækið heimsótt en í dag unnið að því að mæta háværum kröfum um umhverfisvænni umbúðir. Mikið þróunarstarf er unnið í þessa veru víða um heim og í heimsókn hjá Samhentum má sjá að plast er margskonar og sumt má nota í moltugerð. Brynjar Viggóssonframkvæmdastjóri sölusviðs segir að það sé til umhverfisvænt plast og sýnir t.d. plasbikarna undir litla tómata sem allir þekkja en þannig plast er utan um þá. Um er að ræða svonefndar PLA umbúðir umhverfisvænni en þær eru úr efninu Polylactic Acid, oft talað um sykurreyr í því efni og geta umbúðirnar nýst í moltugerð. Margs konar aðrar plastumbúðir eru úr þessu efni og er PLA merkt undir þeim á sýnilegan hátt.
Í sjávariðnaði hefur mikið verið notað af frauðplasti sem erfitt er að endurnýta en með nýjum svokölluðum Cool Seal kössunm má sjá breytingu verða á því. Kassarnir sem framleiddir eru fyrir Samhenta nú í dag ná að halda kælieiginleikum í hámarki í flutningi sjávarafurða.
Árið 2004 keyptu Samhentir hlut í framleiðslufyrirtækinu Tri Pack á Englandi sem framleiðir fyrir Samhenta svokallaða CoolSeal kassa utan um ferkar sjávarafurðir sem eru 100 prósent endurnýtanlegir.
Fórna skógum frekar?
Í þættinum er Bergplast í Hafnarfirði einnig heimsótt og rætt við Rafn Steinþórsson rekstrarstjóra þar sem framleitt er plast utam um ótal tegundir matvæla í sumum þeirra er um að ræða endurnýtanlegt plast.
Bergplast framleiðir einnig ýmislegt fyrir iðnað, t.d. snjóbræðsluklemmur til að festa snjóbræðslurör undir bílastæði og margt annað fyrir fyrirtæki og heimili er gert þarna. Kjarnastarfsemin eru þó umbúðir fyrir matvæli og þá aðallega mjólkuriðnaðinn og stöðugt rýnt í hvað er æskilegra fyrir umhverfið.
Plastvandinn er vandi mannanna og sorphirðu
Rafn segir plastið gríðarlega gott efni til varðveislu matvæla og vandinn sé ekki sjálf efnið heldur hvernig við förum með það. Enginn vill sjá mengað haf eða land vegna plasts svo þá þarf maðurinn að sjá til þess að fara betur með plastúrgang.
Þá hefur plast í margs konar matvælaframleiðslu nýst vel til að varðveita matvæli og vinna þannig gegn matarsóun.
Lækningin má ekki drepa sjúklinginn
Lækningin má að hans mati ekki hafa verri afleiðingar en sjálfur sjúkdómurinn, svo notuð séu líkindi frá læknisfræðinni. Hann bendir á að eigi að skipta plasti út fyrir til dæmis pappír þá þurfi að hugsa til enda hvaðan við ætlum að taka þann pappír, ryðja þarf land eða fella skóga sem er eitthvað sem yrði máske enn stærra vandamál en nú er rætt um vegna matvælaumbúða.
Þáttinn í heild má sjá hér:
