Helena Gylfadóttir kvartaði ítrekað undan verkjum í baki við heimilislækni sinn en í stað þess að hlusta var henni tilgreint að hún væri kvíðafull miðaldra kona á breytingaskeiðinu með vefjagigt.
Þetta kemur fram í frétt Fréttablaðsins. „Ekki ein mynd af bakinu allt síðasta ár þrátt fyrir kvartanir. Ég fékk kvíðalyf og svefnlyf og sagt að vera dugleg að hreyfa mig. Ég sem hafði í mörg ár stundað mjög mikla útivist og hreyfingu, búin að hlaupa hálf maraþon, erfið fjallahlaup bæði hér heima og erlendis, átti að hreyfa mig og þá myndi allt lagast“ sagði Helena á Face-book.
Einu svörin sem Helena fékk frá læknum voru að þetta væri stoðkerfisvandi og því ekkert gert fyrir hana. Á sama tíma var hún sett á hormón til að hægja á breytingaskeiðinu en eina sem þeir gerðu var að fæða hormónanæmi brjóstakrabbameinsins.
„Er ég bara kvíðafull miðaldra kona á breytingaskeiði líkt og læknarnir virðast hafa ákveðið fyrir fram?“ segir Helena. Hún var flutt með sjúkrabíl á bráðamóttökuna þann 7. janúar vegna verkja. Þá loksins kom í ljós uppruni verkjanna sem reyndist vera fjórðastigs krabbamein í brjóstum.
Hægt er að lesa frétt Fréttablaðsins hér.
