Áslaug Björgvinsdóttir, lögmaður og fyrrverandi héraðsdómari, segir að Símon Sigvaldason dómstjóri Héraðsdóms Reykjavíkur hafi með ummælum sínum við Ríkisútvarpið í gær gefið sterka vísbendingu um að dómstóllinn taki ekki alvarlega aðfinnslur fjögurra kröfuhafa um störf Sveins Andra Sveinssonar, sem skiptastjóra þrotabús EK1923.
Skipun Sveins Andra sem skiptastjóra þrotabús WOW air hefur verið umdeild í ljósi nefndra aðfinnsla. Kvartanir Mjólkursamssölunnar, Sláturfélags Suðurlands, lögmannsstofunnar BBA Legal og Stjörnunnar ehf. um störf Sveins Andra eru á þá leið að hann hafi ekki upplýst kröfuhafa um mikinn tilfallinn kostnað. Félögin sögðu „með ólíkindum út í hversu mikinn kostnað er búið að leggja án samráðs við kröfuhafa.“ Sveinn tekur 49.600 krónur á tímann í laun.
