Frá því árið 1920, þegar íslenska krónan var á pari við dönsku krónuna, hefur íslenska krónan rýrnað um 99,95% af verðgildi sínu. Gengi dönsku krónunnar er í dag um 20 krónur en ef tekið er tillit til myntbreytingarinnar árið 1981, má í rauninni segja að munurinn sé tvöþúsundfaldur. Þetta kemur fram í svari Ara Skúlasonar hagfræðings hjá Landsbankanum, sem svaraði fyrirspurn á upplýsingaveitunni spyr.is þess efnis hversu mikið íslenska krónan hefði tapað af verðgildi sínu í samanburði við dönsku krónuna á þessari tæpu öld.
Í svari Ara segir ,,Það þýðir að verðgildi krónunnar gagnvart þeirri dönsku er því aðeins 0,05% af því sem það var árið 1920, sem jafngildir rýrnun um 99,95% á þessu 90 ára tímabili. Með öðrum orðum má segja að sú íslenska sé næstum horfin."
Með öðrum orðum má því ef till segja að fullveldistíminn hafi leikið innlenda mynt harla grátt.
