Kraftmikil uppsveifla framundan

Íslenska hag­kerfið virðist á nokkr­um tíma­mót­um eft­ir fjög­urra ára hóf­leg­an vöxt þar sem mjög kraft­mik­il upp­sveifla virðist vera í burðarliðnum. Ekkert virðist í raun geta hindrað skjótan efnahagsvöxt nema bak­slag komi í ferðaþjón­ustu, eld­fjall gjósi eða vand­ræðin í Kína breiðist út og valdi heimskreppu.

Þetta seg­ir Ásgeir Jóns­son, hag­fræðing­ur í samtali við Morgunblaðið í dag, en nýj­ar hag­töl­ur voru birt­ar í morg­un sem jafn­ast á við skín­andi góðar töl­ur frá ár­inu 2007.

Í frétt Hag­stof­unn­ar í morg­un kom fram að á fyrstu sex mánuðum árs­ins 2015 jókst lands­fram­leiðsla um 5,2% að raun­gildi borið sam­an við fyrstu sex mánuði árs­ins 2014. Á sama tíma juk­ust þjóðarút­gjöld, sem eru sam­tala neyslu og fjár­fest­ing­ar, um 7,3%.

\"Sum­ir myndu segja að þetta væri já­kvæður hag­vöxt­ur,“ seg­ir Ásgeir við Morgunblaðið og vís­ar til þess að vöxt­ur­inn sé leidd­ur af út­flutn­ingi og fjár­fest­ingu. Hann bend­ir á gíf­ur­lega aukn­ingu á at­vinnu­vega­fjár­fest­ingu auk þess sem þjón­ustu­út­flutn­ing­ur, sem rekja má til ferðaþjón­ustu, hafi tekið kipp á öðrum árs­fjórðungi.

Aðspurður um ástæður fyr­ir aukn­um fjár­fest­ing­um seg­ir Ásgeir að fyr­ir­tæki ákveði al­mennt ekki að auka fram­leiðslu­get­una fyrr en upp­sveifl­an hafi staðið í ein­hvern tíma. Hann bend­ir á að hrunið hafi lækkað eigna­verð í land­inu og að mörg fyr­ir­tæki hafi verið í skulda­vand­ræðum: \"Þegar fyr­ir­tæki eiga ekki eigið fé vilja þau ekki fjár­festa,“ seg­ir hann og bæt­ir við að á sama tíma hafi verið sam­drátt­ur í hag­kerf­inu og mik­il um­fram­fram­leiðslu­geta til staðar,\" segir hann við blaðið.