í íslenskum fréttum hafi rýrnað frá könnun sem gerð var fyrir fimm árum. Tæpur þriðjungur frétta í íslenskum fréttamiðlum er skrifaður eða fluttur af konum og íslenskar fréttakonur voru líklegri en starfsbræður þeirra til að tala við eða fjalla um konur.
Í fréttinni segir að konur séu viðmælendur eða umfjöllunarefni í 33% þeirra frétta sem konur skrifa í íslenska fréttamiðla en í 8% frétta sem skrifaðar eru af körlum samkvæmt rannsókninni. Af henni megi ekki ráða að fréttakonur hér á landi fjalli síður um hörð mál en fréttakarlar.
Helstu fréttamiðlar í 114 löndum voru vaktaðir 25. mars í ár og kannað hveru oft var talað við eða fjallað um konur, í hvers konar fréttum og í hvers konar hlutverkum, sem og hver var hlutur fréttakvenna og fréttakarla. Ísland tók fullan þátt í könnuninni sem gerð er á fimm ára fresti, en þetta er í annað sinn sem hún er gerð.
Greindar voru fréttir RÚV í útvarpi og sjónvarpi, Morgunblaðinu og netmiðlum þeirra, Stöð2 Bylgkjunni, Fréttablaðinu, á dv.is, eyjunni/pressunn.is, og kjarnanum.is.
Hlutfall viðmælenda í þáttum Hringbrautar er jafnt milli kynja samkvæmt sérstöku kynjabókhaldi sem sjónvarpstöðin heldur úti og birtir mánaðarlega, en stefna hennar er að aldrei halli á annað kynið þegar kemur að gestum stöðvarinnar.
