Kona á fertugsaldri lést af slysförum síðasta fimmtudag þegar hún féll niður úr stiga á Akranesi. Hún er talin hafa lent á höfðinu.
Frá þessu greinir RÚV. Þar er haft eftir Jóni S. Ólasyni, yfirlögregluþjóni á Vesturlandi, að fall konunnar hafi verið um þrír metrar úr stiganum.
Aðspurður sagði hann þá að allt hafi bent til þess að hún hafi verið að búa sig undir óveðrið, sem var á föstudag, og ganga frá lausum munum, en að hann geti ekki fullyrt slíkt.
