Vörubílstjórinn Sturla Jónsson hefur lokið hringferð sinni um landið þar sem hann safnaði meðmælendum með forsetaframboði sínu. Hann er nú kominn með rúmlega 3000 undirskriftir og er því orðinn gjaldgengur í kosningabaráttuna.
Sturla lýsti af þessu tilefni formlega yfir framboði sínu til embættis forseta Íslands í símatímanum á Útvarpi Sögu í morgun. Þar sagði hann að sér hefði verið tekið ákaflega vel á hringferð sinni og nái hann kjöri muni hann hafa stjórnarskrána í hávegum og standa vörð um hagsmuni þjóðarinnar.
Annar hugsanlegur frambjóðandi, Ástþór Magnússon, hefur enn ekki verið jafn fengsæll og Sturla en Hringbraut.is hefur undanfarið greint frá hremmingum Ástþórs við undirskriftasöfnunina.
