\"Mér fannst svolítið eins og þessi tillaga sem var sett fram með afbrigðum mjög stuttum fyrirvara. Þarna væru menn svolítið að setja hana fram til að hoppa á vinsældarvagninn, þá miklu umræðu sem er núna og í rauninni hvetja til þess að hingað hefjist fjöldaflutningar án þess að það hafi nokkur skoðun farið fram á því hvort við getum í raun og veru tekið á móti mörg hundruð eða mörg þúsund flóttamönnum til viðbótar,“ sagði Kjartan í samtali við Síðdegisútvarpið í dag.
Framsóknarkonur í borginni sátu fastar við sinn keip í innflytjendamálum á borgarstjórnarfundinum í dag, töldu eðlilegra að verja takmrökuðum fjármunum í fátækt fólk á Íslandf fremur en flóttafólk. Sveinbjörg Birna Sveinbjörnsdóttir, oddviti Framsóknarmanna í Reykjavíkurborg telur talsvert mikilvægara að huga að aðbúnaði aldraðra Íslendinga en því að taka á móti erlendu flóttafólki.
Hún flutti ræðu á borgarstjórnarfundinum í dag þar sem verið er að ræða málefni flóttafólks og kvað borgaryfirvöld geti lagt af mörkum í þeim efnum. Strax eftir ræðu sína, þar sem hún benti á mikilvægi þess að skoða allar hliðar málsins, svo sem kostnað sem er samfara því að taka á móti flóttafólki, skaut hún inn niðurlagi hennar á Facebook-vegg sinn sem hljóðaði svo: \"Áskorun til allra þeirra sem skrifað hafa á Kæra Eygló hópinn. Í dag eru 500 einstaklingar og fjölskyldur á biðlista eftir stuðningi (þörf á stuðningsfjölskyldum, liðveislu, tilsjón og fleira.) Þeir sem vilja virkja kærleikann og hjartahlýjuna strax geta boðið sig fram í það verkefni og afsalað sér endurgjaldi fyrir. Það geri ég hér og nú.“
Á sunnudag, þegar umræðan um aðstoð Íslendinga við flóttafólk reis hvað hæst, skrifaði Sveinbjörg Birna eftirfarandi á Facebook-síðu sína: „Búum öldruðum áhyggjulaust ævikvöld.“
