Íslendingar keyptu í fyrra fasteignir á Spáni fyrir átta milljónir evra, eða tæpan milljarð króna, segir í frétt Morgunblaðsins í dag. Alls eru þetta 47 eignir.
Keypt hefur verið í gegnum spænsku fasteignasöluna Mediland og samkvæmt upplýsingum þaðan jókst salan eftir að gjaldeyrishöftin voru afnuminn. Íslenskar fasteignasölur eru farnar að líta þennan markað hýru auga. Nokkur hundruð manns mættu á kynningu Mediland umhelgina til að kynna sér fasteignakaup á Spáni.
Orihuela Costa ströndin og svæði sunnan við Alicante virðast njóta hvað mestra vinsælda. Flestir kjósa að vera sunnan við Alicante og sem næst flugvellinum. Þá vilja flestir kaupa íbúðir en einnig seljist einbýlishús og þá séu margir um að kaupa saman, vinahópar eða stórfjölskyldan,
Fasteignirnar kosta frá 15 milljónum króna og þær dýrustu kosta um 60 milljónir króna. Flestir kaupa á verði í kringum 25 milljónir króna.
