Kaupþing hafði áhrif á lagasetningu

Svo virðist sem forráðamenn Kaupþings hafi á sínum tíma haft beint áhrif á lagasetningu um stöðugleikaskatt á slitabú föllnu bankanna  með þeim afleiðingum að færri höfðu tíma til að lýsa kröfum sínum í búið.

Þetta kemur fram í ítarlegri úttekt ViðskiptaMoggans á málinu í dag, en þar kemur fram að um leið og stöðug­leika­skatturinn á slita­bú föllnu bank­anna var settur á hafi einnig verið samþykkt bráðabirgðaákvæði sem þrengdi kröf­u­lýs­ing­ar­frest þeirra til muna sem töldu sig eiga bús­kröfu í slita­bú­in. Fram að laga­setn­ing­unni hafi verið hægt að lýsa kröf­um að at­kvæðagreiðslu um nauðasamn­ing en eft­ir breyt­ing­una hafi frest­ur verið veitt­ur til 15. ág­úst síðastliðins.

Í frétt Morgunblaðsins segir: Lög­in voru birt 18. júlí og því veitti lög­gjaf­inn aðeins 29 daga frest til handa þeim sem töldu sig eiga kröf­ur á búin en höfðu ekki lýst kröfu fram að þeim tíma. Hró­bjart­ur Jónatans­son, hæsta­rétt­ar­lögmaður segir í samtali við blaðið gerar at­huga­semd­ir við þessi vinnu­brögð og bend­ir meðal ann­ars á að slita­bú­in hafi í engu aug­lýst hinn stytta frest og þá hafi lög­in ekki verið þýdd á ensku, þrátt fyr­ir um­fangs­mik­il um­svif slita­bú­anna er­lend­is.

Áreiðan­leg­ar heim­ild­ir Morg­un­blaðsins herma að Kaupþing hafi beitt sér fyr­ir því gagn­vart Alþingi að kröf­u­lýs­ing­ar­frest­ur­inn yrði stytt­ur með þeim hætti sem raun varð á, ekki síst af ótta við aðgerðir fjár­fest­is­ins Vincents Tchenguiz sem staðið hef­ur í mála­ferl­um við slita­búið á síðustu árum og haldið fram hundraða millj­arða fjár­kröf­um á hend­ur því og end­ur­skoðun­ar­fyr­ir­tæk­inu Grant Thornt­on fyr­ir bresk­um dóm­stól­um.

Hró­bjart­ur tel­ur hættu á að þeir aðilar sem ekki náðu að lýsa kröf­um í búið, en telja sig hafa ástæðu til þess, muni mögu­lega leita rétt­ar síns fyr­ir dóm­stól­um: \"Í ljósi þess hversu um­fangs­mik­il starf­semi slita­bú­anna hef­ur verið á und­an­förn­um árum má gera ráð fyr­ir því að mörg dæmi séu um ágrein­ing varðandi þá starf­semi. Þeir aðilar sem eiga í ágrein­ingi við slita­bú­in vegna þess­ar­ar starf­semi eru nú í þrengri stöðu en þeir voru áður en lög­in voru samþykkt þar sem lög­gjaf­inn hef­ur með þeim tak­markað mögu­leika þeirra til að lýsa kröf­um sín­um. Það er aug­ljóst í mín­um huga hvað slita­stjórn Kaupþings gekk til þegar til­lag­an að þess­um stutta fresti var lögð fram. Þar var stjórn­in ein­fald­lega að koma í veg fyr­ir að aðilar gætu lýst kröf­um á hend­ur bú­inu,“ seg­ir Hró­bjart­ur við Viðskiptablað Morgunblaðsins í dag.