Katrín Jakobsdóttir, forsætisráðherra, segir stórfurðulegt að útgerðarfyrirtækið Samherji hafi skipað Arnar Þór Stefánssyni, lögmanni, að senda bréf á Lilju Alfreðsdóttur, menntamálaráðherra. Í bréfinu, sem er langt og skrifað á háfleygan hátt, er Lilja krafin svara um hvað hún hafi meint með því að segja að Samherji hafi gengið „of langt“.
„Mér finnst þetta bara stórfurðulegt, þingmenn tjá sínar skoðanir hér og hafa fullt frelsi til þess og mér finnst bara stórfurðulegt að senda slíkt bréf til þingmanns,“ sagði Katrín í samtali við Mbl. „Hún hefur auðvitað fullt frelsi til að sjá sínar skoðanir. Þannig að mér finnst þetta vægast sagt undarlegt.“
Lilja hefur ekki svarað bréfinu.
Þorsteinn Már Baldvinsson, forstjóri Samherja, hefur ekki viljað veita viðtöl um afsökunarbeiðnina sem fyrirtækið sendi um helgina. Ekki er því vitað hvern var verið að biðja afsökunar, á hverju eða hvers vegna.
