Karla er þreytt á að horfa upp á „skyn­sam­legar og nauð­syn­legar á­kvarðanir Sól­veigar út­málaðar á bjagaðan hátt."

Karla Barra­laga Ocon, aðildar­fé­lagi Eflingar, skrifar í skoðunar­grein sinni á Vísi að hún sé þreytt á því að horfa upp á „skyn­sam­legar og nauð­syn­legar á­kvarðanir Sól­veigar út­málaðar á bjagaðan hátt.“ Hún segir á­kvarðanirnar þjóna hags­munum Eflingar­fé­laga.

Hún segir aug­ljóst að hlutirnir hafi ekki verið í lagi á skrif­stofu Eflingar, Sól­veig hafi fengið of­beldis­hótun frá starfs­manni. Karla segir það ekki sæmandi hlut­verki að sumir starfs­menn Eflingar hafi tekið opin­skáa af­stöðu gegn Sól­veigu og stuðnings­fólki hennar. Karla segir þetta trufla sig sem greiðandi fé­lags­mann í Eflingu.

Hún segir breytingarnar innan skrif­stofu Eflingar munu gera skrif­stofuna að betri vinnu­stað, með betra skipu­lagi og skýrari vinnu­skil­yrðum.

Karla segist hrifin af þeirri hug­mynd að hafa há­marks­launa­bil milli hæstu og lægstu launa, þetta sé hug­rökk á­kvörðun og hún vonar að hennar vinnu­staður taki þetta upp.

Varðandi við­brögð leið­toga annarra verka­lýðs­hreyfinga segir Karla: „Það er ekki hlut­verk leið­toga í öðrum stéttar­fé­lögum eða sam­böndum að for­dæma lýð­ræðis­legar á­kvarðanir for­ystu stéttar­fé­lagsins míns.“