Kári Stefánsson, forstjóri Íslenskrar erfðagreiningar segir undirskriftarsöfnun sína fyrir endurreisn heilbrigðiskerfisins ekki vera setta til höfðs ríkisstjórninni þar sem hún ber lítinn hluta ábyrgðar á ástandinu.
Þetta er haft eftir honum á fréttavefnum mbl.is í gær, en þar segist hann allt eins eiga von á því að valdhafar kalli hann lýðskrumara; áhugavert yrði að heyra það úr þeirra munni og sú tilraun yrði í öllu falli athygliverð.
Sjá má viðtalið við hann inn á mbl.is, en söfnun undirskriftanna hófst í gærdag og höfðu þúsundir safnast strax á fyrsta degi. Kári stefnir að því að safna 100 þúsund undirskiftum fólks sem vill setja heilbrigðismálin í forgang og hlúa að innviðum þeirra eins og best verður kosið.
