Seinni umferð frönsku forsetakosninganna fór fram í kvöld og endaði með því að Emmanuel Macron forseti var endurkjörinn. Eins og gefur að skilja hafa íslenskir miðlar fjallað töluvert um kosningarnar en leiklistargagnrýnandinn Jón Viðar Jónsson er síður en svo sáttur við umfjöllun Ríkissjónvarpsins.
Jóni finnst það nefnilega frekar hallærislegt af RÚV að senda fréttamann út til Frakklands sem talar ekki frönsku. Á Facebook síðu sinni skrifar hann:
„Fréttastofa Ríkisútvarpsins sendir mann til Parísar að fylgjast með forsetakosningunum. Það er í sjálfu sér ágætt - en af hverju ekki að senda einhvern sem talar frönsku; það er frekar hallærislegt að hlusta á franska borgara reyna að tjá sig á ensku, máli sem þeir hafa - eðlilega - fæstir gott vald á? Og ef Fréttastofan hefur engum frönskumanni á að skipa, hvernig væri þá að bæta úr því?“
Hvað segja lesendur, ætti RÚV að ráða til sín fréttamenn með betri tungumálakunnáttu?
