„Ég tel tímabært að hefja vinnu að því að skilja að fullu og öllu milli og ríkis og kirkju. Það er ljóst að kirkjan nýtur mikillar sérstöðu í samskiptum sínum við ríkið og fær stuðning langt umfram önnur trúar- og lífsskoðunarfélög.“ Þetta segir Jón Steindór Valdimarsson, þingmaður Viðreisnar í samtali við Fréttablaðið í dag. Tíu fulltrúar frá fjórum þingflokkum standa að tillögunni ásamt Jóni, þau: Hanna Katrín Friðriksson, Þorgerður K. Gunnarsdóttir, Þorsteinn Víglundsson, Andrés Ingi Jónsson, Björn Leví Gunnarsson, Helga Vala Helgadóttir, Helgi Hrafn Gunnarsson,
Guðmundur Andri Thorsson, Steinunn Þóra Árnadóttir.
Samkvæmt þingsályktunartillögunni, sem Jón Steindór er fyrsti flutningsmaður fyrir, er gert ráð fyrir því að frumvarp um fullan aðskilnað ríkis og kirkju verði lagt fram ekki seinna en árið 2021. Þá er gert ráð fyrir því að fullur aðskilnaður ríkis og kirkju eigi sér ekki stað ekki seinna en árið 2034. Allir þingmenn Viðreisnar flytja málið fyrir Alþingi, en einnig eru flutningsmenn úr röðum Pírata, Samfylkingar og Vinstri grænna.
„Þannig er gefinn mjög rúmur tími til að hnýta alla hnúta og ráðrúm fyrir kirkjuna að laga sig að breyttum aðstæðum. Ég geri ráð fyrir að kirkjan, ekki síður en ríkið, hefði hag af lagalegum og fjárhagslegum aðskilnaði.“ segir Jón Steindór.
Þá segir Jón Steindór að einnig að mjög stór og vaxandi hluti landsmanna kjósi að standa fyrir utan kirkjunnar.
„Það á ekki síst við um tengslin við ríkisvaldið og jafnræði milli trúfélaga, lífsskoðunarfélaga og þeirra sem kjósa að standa utan slíkra félaga. Þá blasir við að mjög stór og vaxandi hluti landsmanna kýs að standa utan kirkjunnar.“
