Jón stefánsson kórstjóri er látinn

Jón Stef­áns­son, org­an­isti og kór­stjóri Lang­holts­kirkju í Reykja­vík, lést um miðnættið í gærkvöld, 69 ára að aldri. 

Fram kemur í andlátsfrétt á mbl.is að Jón fædd­ist 5. júlí 1946 í Vog­um í Mý­vatns­sveit. For­eldr­ar hans voru Stefán Sig­fús­son og Jóna Jakobína Jóns­dótt­ir. Sautján ára gam­all var hann ráðinn org­an­isti Lang­holts­kirkju og sinnti því starfi alla ævi.

Jón var alla tíð hvalreki fyrir íslenskt tónlistarlíf. Hann fagnaði 50 ára starfsaf­mæli sínu árið 2014 en á starfs­ferli sín­um byggði hann upp viðamikið kór­starf með kór­um Lang­holts­kirkju og starfaði  mikið með börn­um.

Jón var flutt­ur á Land­spít­al­ann í kjöl­far um­ferðarslyss í Hrútaf­irði og komst aldrei til meðvitundar.

Eft­ir­lif­andi eig­in­kona hans er Ólöf Kol­brún Harðardótt­ir.

Í kvöld kl 20:00 verður kveikt á kertum og þau sett á Klofaklett í Vogum til minningar um Jónsa eins og hann var jafnan kallaður með vina og ættingja.