Jón Atli Benediktsson prófessor var í gærkvöld kjörinn rektor Háskóla Íslands með 54,8% atkvæða. Alls kaus rösklega helmingur kosningabærra manna, en á kjörskrá voru ríflega 14 þúsund manns, stúdentar, kennarar og starfsfólks skólans. Jón Atli naut meirihluta stuðnings innan raða stúdenta sem og starfsmanna og kennara skólans.
Hann tekur við embætti rektors 1. júlí af Kristínu Ingólfsdóttur sem gegnt hefur embættinu í áratug.
Á meðal starfsmanna með háskólapróf sem hafa heilt atkvæði var kjörsókn 87,62% og hlaut Jón Atli 527 atkvæði í þeim flokki og Guðrún Nordal, keppinautur hans í seinni umferð, 400 atkvæði.
Á meðal starfsmanna með háskólapróf sem hafa hálft atkvæði hlaut Jón Atli 93 atkvæði og Guðrún 76.
