James Ratcliffe, ríkasti maður Bretlands og landeigandi á Norðausturlandi, hyggst flytja lögheimili sitt til Mónakó til þess að sleppa við 4 milljarða punda í skattgreiðslur.
Sviðin jörð ríkasta manns Bretlands og landeiganda á Austurlandi
Samkvæmt Sunday Times njóta Ratcliffe og tveir viðskiptafélagar hans hjá efnaframleiðslurisanum Ineos aðstoðar endurskoðenda PwC við áformin. Fjöldi breskra þingmanna hefur gagnrýnt Ratcliffe fyrir að vilja sleppa við greiðslur, enda hafi hann sem forstjóri Ineos beitt sér gagnvart stjórnvöldum fyrir lægri umhverfissköttum og veikari reglugerðum þegar kemur að gasvinnslu með vökvabroti (e. fracking).
Árið 2010 flutti Ratcliffe höfuðstöðvar Ineos frá Bretlandi til bæjarins Rolle í Sviss. Fyrirtækið hafði beðið bresk stjórnvöld um frest til þess að greiða 350 milljóna punda virðisaukaskattsgreiðslu, en ekki fengið. Fyrirtækið sneri til baka árið 2016. Ratcliffe er mikill stuðningsmaður Brexit og segir að Bretland geti átt frábæra framtíð utan Evrópusambandsins.
Nánar á
https://stundin.is/grein/8452/
