Ísland hagnast á hnattrænni hlýnun í gegnum árin

Í nýrri rannsókn frá Stanford háskóla kemur fram að Ísland sé á meðal fárra landa sem hafa hagn­ast fjár­hags­lega vegna hnatt­hlýn­un­ar á síðustu áratugum. Niðurstöður rannsóknarinnar voru birtar í tíma­riti banda­rísku vísinda­aka­demí­unn­ar, PNAS. Mbl.is greinir frá.

Í rannsókninni voru hita­sveifl­ur born­ar sam­an við hag­vöxt yfir hálfr­ar ald­ar tíma­bil og þar kem­ur fram að verg lands­fram­leiðsla Íslands hafi aukist um 92 prósent á ára­bil­inu 1961-2010, sem teng­ist hlýn­un jarðar­inn­ar að hluta. Greint er frá því hlýn­un jarðar hafi valdið um­tals­verðu falli í efnahag hlýrri og fá­tæk­ari landa, en sval­ari og auðugri lönd á við Ísland hafi hins veg­ar hagn­ast.

Þannig kemur einnig fram að verg lands­fram­leiðsla Finn­lands hafi auk­ist um 48 prósent og verg landsframleiðsla Noregs um 34 prósent, sem megi að hluta til rekja til hnatt­rænnar hlýn­unar.