Icelandair leigir tvær breiðþotur

Icelanda­ir hef­ur gengið frá leigu á tveim­ur Boeing 767 breiðþotum. Breiðþoturnar verða leigðar út sept­em­ber, en það er gert til að tryggja að flugáætl­un félagsins rask­ist sem minnst í kjölfar kyrr­setn­ing­ar þriggja Boeing 737 MAX flugvéla sem félagið á. Mbl.is greinir frá.

Sam­kvæmt til­kynn­ingu til Kaup­hall­ar­inn­ar kem­ur fyrri flugvél­in í rekst­ur um miðjan apríl og sú síðari snemma í maí. Vél­arn­ar eru báðar 262 sæta breiðþotur með tveim­ur far­rým­um og afþrey­ing­ar­kerfi.

Icelandair vinn­ur einnig að því að fá leigða þriðju flugvél­ina sem myndi þá bæt­ast við flot­ann í sumar. Þá vinnur félagið að endurskoðun flugáætl­unar sinnar fyrir sumarið eft­ir gjaldþrot WOW air. Í tilkynningunni til Kauphallarinnar seg­ir að þegar 737 MAX flugvél­arn­ar komi í rekst­ur hafi félagið mögu­leika á að auka framboð í háönn frá því sem áður var áætlað þar sem breiðþoturnar hafi bæst í flot­ann.