Hvernig komast 70 þúsund íbúar fyrir?

Hvernig eiga 70 þúsund nýir borgarbúar að komast á milli svæða á allra næstu árum ef ekkert verður aðhafst frekar í almenningssamgöngum. Þetta var ein af lykilspurninggunum á fundi Félags viðskipta- og hagfræðinga í Reykjavík í gærkvöld þar sem tekist var á um réttmæti Borgarlínunnar.

Það voru þeir Þorsteinn Rúnar Hermannsson, samgöngustjóri borgarinnar og Frosti Sigurjónsson, hagfræðingur og fyrrverandi þingmaður Framsóknarflokksins sem sátu þar á rökstólum og færðu harla ólík rök fyrir máli sínu. Vefurinn mbl.is sat fundinn og tók saman helstu atriði hans.

Frosti vakti í byrj­un árs at­hygli á mál­efn­um fyr­ir­hugaðrar bBrg­ar­línu í pistli á vefsíðu sinni. Þar gagn­rýndi hann áformin og sagði ólík­legt að Borg­ar­lín­an myndi upp­fylla þær vænt­ing­ar sem væru gerðar til fjölg­un­ar farþega al­menn­ings­sam­gangna og þá væri kostnaður­inn mik­ill og ólík­legt að um hag­kvæma sam­göngu­bót væri að ræða.

Þor­steinn sagði í byrjun síns máals það vera grund­vall­ar­viðfangs­efni að bregðast við mann­fjölg­un­ar­spám sem gerðu ráð fyr­ir því að íbú­um höfuðborg­ar­svæðis­ins myndi fjölga um allt að 70 þúsund manns til árs­ins 2040. Það er álíka fjölg­un og átti sér stað á ár­un­um 1985 til 2012 að hans sögn. Á því tíma­bili sagði Þor­steinn að fjár­fest hefði verið fyr­ir 80 millj­arða á nú­v­irði í stof­næðakerfi borg­ar­inn­ar, en það fel­ur meðal ann­ars í sér upp­bygg­ingu Reykja­nes­braut­ar­ milli Reykja­vík­ur og Hafn­ar­fjarðar og gjánna í gegn­um Hamra­borg.

\"Hvar eiga 70 þúsund íbú­ar að búa, starfa og hvernig að kom­ast á milli,“ spurði Þor­steinn í fyr­ir­lestri sín­um og bætti við að það væri stóra viðfangs­efnið sem sveit­ar­fé­lög­in á höfuðborg­ar­svæðinu væru að fást við með Borg­ar­línunni.

Frosti fór í er­indi sínu yfir þær vænt­ing­ar sem væru gerðar til borg­ar­línu­kerf­is. Spurði hann hvort þær væru raun­hæf­ar og svaraði því að hann teldi svo ekki vera. Vísaði hann í sam­eig­in­lega til­kynn­ingu allra sveit­ar­stjóra á höfuðborg­ar­svæðinu frá því í lok árs 2016. Þar hafi verið talað um hag­kvæma og vist­væna leið til að auka flutn­ings­getu og draga úr álagi á stofn­vegi. Sam­hliða þessu ætti að þétta byggð og draga úr bygg­ing­ar­kostnaði, auka þjón­ustu, draga úr út­blæstri, fækka slys­um og kom­ast hraðar á milli staða en í einka­bíl.