Flestir frambjóðendur til forseta Íslands tala um að þeir muni beita sér fyrir breytingum á stjórnarskránni. Starfandi er stjórnarskrárnefnd sem hefur einmitt þetta hlutverk. Meðal nefndarmanna eru Birgir Ármannsson Sjálfstæðisflokki og Valgerður Bjarnadóttir Samfylkingu.
Birgir og Valgerður ræða stöðu málsins á Hringbraut í kvöld, klukkan 21:45.
Stjórnarskrárnefndin hefur þegar orðið ásátt um að leggja til þrjár breytingar á stjórnarskránni; um vernd náttúru og umhverfis, um náttúruauðlindir í þjóðareign og þjóðaratkvæðagreiðslur.
Í hvaða farvegi málið er skýrist í umræðunni í kvöld og eins hvort forsetaframbjóðendurnir muni hafa stöðu til breytinga verði þeir, sem þannig tala, kjörnir til embættisins.
Umræða um stjórnarskrána í kvöld.
