Líf Magneudóttir, borgarfulltrúi Vinstri grænna, segir eðlilegt að Dagur B. Eggertsson borgarstjóri sitji í hópnum sem fari yfir niðurstöður skýrslu innri endurskoðunar um Braggamálið. Í skýrslunni var farið hörðum orðum um stjórnsýslu Reykjavíkurborgar, þá sér í lagi Skrifstofu eigna og atvinnuþróunar, sem heyrir undir Stefán Eiríksson borgarritara, en fram kemur í skýrslunni að hún hafi í raun heyrt undir borgarstjóra. Í skýrslunni kom fram að lög hefðu verið brotin í hundruð milljóna framúrkeyrslu, verkefnið hafi nánast gleymst í kerfinu og að verktakar hefðu verið ráðnir í gengum kunningsskap.
Líf segir í samtali við Morgunblaðið í dag að það sé eðlilegt að Dagur eigi sæti í þriggja manna hópnum sem fari yfir niðurstöður skýrslunnar. „Mér finnst það eðlilegt því hann er æðsti yfirmaður stjórnsýslunnar og æðsti yfirmaður borgarinnar og á meðan hann er það þá hlýtur hann að njóta einhvers trausts til að fara í saumana á því sem betur má fara innan stjórnsýslunnar. Þannig að að svo stöddu finnst mér ekkert að því að hann taki sæti í þessum hópi,“ segir Líf.
Nánar á
