Héraðsdómur Reykjavíkur dæmdi í dag Hreiðar Már Sigurðsson, fyrrverandi bankastjóri Kaupþings í sex mánaða fangels og, Magnús Guðmundsson, fyrrum bankastjóra Kaupþings í Lúxemborg í dæmdur í 18 mánaða fangelsi í Marple-málinu svokallaða.
Skúli Þorvaldsson, sem einnig tengdist sama máli, var dæmdur í sex mánuði, en Guðný Arna Sveinsdóttir, fyrrum fjármálastjóri bankans var sýknuð af öllum ákærum.
Ákæruefnið er í sem fæstum orðum tvær millifærslur frá Kaupþingi til Kaupþings í Lúxemborg sem fóru áfram til félagsins Marple í Lúxemborg á árunum 2007 og 2008. Saksóknari telur að um fjárdrátt og umboðssvik sé þar að ræða.
Í málinu voru Hreiðar Már Sigurðsson, fyrrum forstjóri í Kaupþingi og Guðný Arna Sveinsdóttir, fyrrum fjármálastjóri bankans, ákærð fyrir fjárdrátt og umboðssvik. Magnús Guðmundsson, fyrrum forstjóri Kaupþings í Lúxemborg var aftur á móti ákærður fyrir hlutdeild í sömu brotum, og fjárfestirinn Skúli Þorvaldsson ákærður fyrir hylmingu og peningaþvott. Allir verjendur, nema verjandi Marple, voru viðstaddir dómsuppkvaðninguna, en enginn ákærðu mættu.
