Ef aðstæður í íslensku efnahagslífi væru aðrar og eðlilegri en í dag, þar sem útlit væri fyrir að kjarasamningar myndu styðja við stöðugleika og auka líkur á mjúkri lendingu, væri ekki í myndinni að vextir yrðu hækkaðir. En sú staða er ekki uppi í dag og því er peningastefnunefnd Seðlabankans vandi á höndum.
Þetta segir í inngangi pistils Harðar Ægissonar, ritstjóra Markaðarins – viðskiptablaðs Fréttablaðsins, í Fréttablaðinu í dag. Hann segir ástæðurnar vera flestum kunnar:
„Óvissa á vinnumarkaði hefur aukist til muna eftir að stærstu stéttarfélögin opinberuðu kröfugerðir sínar sem myndu, næðu þær fram að ganga, hækka launakostnað fyrirtækja um meira en 100 prósent. Afleiðingarnar eftir að þessar glórulausu kröfur voru settar fram, sem eru sagðar „hófsamar“ og „ábyrgar“, hafa verið fyrirsjáanlegar og birtast ekki hvað síst í því að gengi krónunnar hefur gefið mjög eftir á skömmum tíma og verðbólguvæntingar hafa í kjölfarið rokið upp. Tímabil verðstöðugleika er að renna sitt skeið á enda og fátt virðist geta komiðívegfyrir að verðbólgan verði komin vel upp fyrir fjögur prósent um mitt næsta ár.“
Nánar á
