Helgi Daníelsson fæddist á Akranesi og varð um síðir einn besti knattspyrnumaður þjóðarinnar, landsliðsmarkvörður árum saman. Fyrstu reynsluna af fótbolta fékk hann 12 ára gamall þegar hann var sendur út í Grímsey, en hann tók sérstöku ástfóstri við eyna og var lengi óopinber sendiherra Grímseyinga. Helgi var meira að segja heiðursgestur í Kvenfélaginu Baugi í Grímsey.
Frá þessu og miklu meira, þar á meðal hreint ótrúlegar sögur úr eynni, segir Helgi Daníelsson í þættinum í kvöld, auk þess sem hann segir frá æskufjöri á Akranesi.
