Eftir stormasama tíð, einkum um allt vestanvert landið frá Eyjafjöllum vestur á firði, hefur heldur lægt og virðist ferðaveðrið ætla að verða með skaplegra móti um helgina. Vindur getur þó hæglega slegið upp í 15 m/s með éljagangi um suðvestanvert landið – og þar eð hitinn verður um frostmark má búast við mikilli hálku víða á þjóðvegum landsins. Spáð er samfelldri snjókomu um tíma næstu nótt og fram á sunnudagsmorgun, þannig að þótt heldur dúri á lofti virðist veturinn ekkert vera lina tök sín á eyjunni í norðri. Eins og fyrri daginn er því viturlegt að skoða færð á vegum á vegagerdin.is áðu en lagt er upp í langferð eða hringja í símann 1777.
Heldur dúrar á lofti
Nýjast
