Aðalfundur Pírata á Norðausturlandi fór fram 12. mars sl. Þar komu saman rúmlega fjörtíu manns frá Akureyri og nærliggjandi sveitarfélögum. Níu framboð til stjórnar bárust og hlutu eftirfarandi kosningu:
Guðrún Ágústa Þórdísardóttir formaður.
Helgi Laxdal gjaldkeri.
Einar Árni Friðgeirsson ritari.
Einar Brynjólfsson meðstjórnandi.
Hans Jónsson meðstjórnandi.
Á fundinum var eftirfarandi ályktun samþykkt: \"Fréttir af húsnæðisvanda bráðamóttöku Landspítalans eru ein af birtingarmyndum heilbrigðiskerfis sem hefur verið vanrækt árum saman. Þetta er í senn sorglegt og til skammar, enda ekki boðlegt að sjúklingar þurfi að liggja í sjúkrarúmum sínum í bílageymslu spítalans. Funduriinn skorar á ríkisstjórn landsins að gera bragarbót hið fyrsta.\"
Einnig var formlega stofnuð félagsdeild Pírata í Norðurþingi.
