„Ótengt umræðunni sem er í gangi í þjóðfélaginu þá velti því fyrir mér hvort þetta sé bara í lagi?,“ spyr íþróttafréttakonan Svava Kristín Grétarsdóttir um klippu úr útvarpsþættinum Eldur og Brennisteinn. Í þættinum, sem er útvarpað á vef Vísis, þar sem Svava starfar sjálf, ræða þeir Heiðar Sumarliðason og Snæbjörn Brynjarsson um Þjóðhátíð í Vestmannareyjum og kynferðisafbrot á hátíðinni.
„Það er eins og það sé einhver íþrótt innfæddra að nauðga konum…,“ segir annar, þá segir hinn: „…Sem koma frá meginlandinu.“
„Já, meginlandi Evrópu og meginlandi Íslands. Ef þær eru svo ölvaðar að þær geta ekki spornað við… þá er það eitthvað svona sport.“
Svava segir á Twitter að þetta sé ekki í lagi: „Að segja opinberlega að það sé þjóðarsport Eyjamanna að nauðga konum af meginlandinu? Sem dóttir, systir og vinkona Eyjamanna finnst mér þetta allavega ekki í lagi,“ segir hún. „Þeir þurfa líka að svara fyrir þessi orð sín, svo mikið er víst.“
Hér má hlusta á klippuna:
Ótengt umræðunni sem er í gangi í þjóðfélaginu þá velti því fyrir mér hvort þetta sé bara í lagi? Að segja opinberlega að það sé þjóðarsport Eyjamanna að nauðga konum af meginlandinu? Sem dóttir, systir og vinkona Eyjamanna finnst mér þetta allavega ekki í lagi! pic.twitter.com/CQbIvyBdTe
— Svava Gretarsdóttir (@SvavaGretars) July 5, 2021
Hér má hlusta á umræðuna í heild sinni.
