Varnarmálaráðherra Tyrklands hefur staðfest að Haukur Hilmarsson sé ekki í haldi tyrkneskra stjórnvalda að því er fram kemur í orðum Guðlaugs Þórs Þórðarsonar, utanríkisráðherra sem ræddi við Nurettin Canikli, varnarmálaráðherra Tyrklands, um mál Hauks í gærdag.
Að því er kemur fram í upplýsingum frá utanríkisráðuneytinu gat Canikli ekki veitt upplýsingar um afdrif Hauks að öðru leyti. Hann sagði að tyrknesk hernaðaryfirvöld myndu liðsinna íslenskum stjórnvöldum við leitina að honum. Ástvinum Hauks hefur verið greint frá efnisatriðum samtals ráðherranna.
Katrín jakobsdóttir, forsætisráðherra tók máls Hauks upp á fundi sínum með Angelu Merkel, kanslara Þýskalands í gær og óskaði eftir aðstoð Þjóðverja við hafa uppi á Hauki og koma honum heim til Íslands.
