Rekstur tónlistar- og ráðstefnuhússins Hörpu skilaði i á síðasta ári rekstrarhagnaði (EBITDA) í fyrsta skipti frá opnun. Hagnaðurinn nam 57 milljónum króna samanborið við 232 milljóna tap árið á undan.
Þegar tekið er tillit til afskrifta og fjármagnsgjalda en framlög ríkis og borgar reiknuð inn er tapið hins vegar 243 milljónir, samanborið við 606 milljóna heildartap í fyrra. Afkoman batnar því um 363 milljónir milli ára.
Þetta kemur fram í Morgunblaðinu í dag.
Framlag ríkis og borgar vegna fjármögnunar fasteignar og búnaðar nemur 1,1 milljarði í reikningi félagsins, segir í fréttinni á mbl.is.
Heildatekjur félagsins voru 1,6 milljarðar í fyrra samanborið við 1,5 milljarða árið áður. Samkvæmt ársreikningnum er húsið metið á 16,8 milljarða. Skuldir félagsins voru í árslok 20,2 milljarðar, þar af um 19,5 milljarðar vegna fjármögnunar við byggingu Hörpu. Eigið fé var neikvætt um 47,5 milljónir króna.
EDITDA afkoma Hörpu hefur frá upphafi verið neikvæð þangað til núna, allt að 550 milljónir á ári.
