Hanna Birna Kristjánsdóttir mun ekki gefa kost á sér til áframhaldandi þingsetu fyrir næstu kosningar og tilkynnti þá ákvörðun sína í dag í bréfi sem hún sendi samflokksmönnum sínum. Hanna Birna hefur setið á þingi frá árinu 2013 og varð þá innanríkisráðherra til ársins 2014 þegar hún sagði af sér.
Hún leiddi lista Sjálfstæðismanna í Reykjavíkurkjördæmi suður. Ljóst verður í prófkjöri flokksins hver mun taka við forystunni í kjördæminu í stað Hönnu Birnu en vænta má mikilli baráttu um sætið enda flokkurinn með gott fylgi í kjördæminu. Hringbraut ræðir við Hönnu Birnu í þættinum Þjóðbraut á morgun.
