Berglind slasaðist alvarlega á mænu og hálsi eftir rútuslys: Hafa safnað rúmum sjö milljónum fyrir endurhæfingu

Um ellefu hundruð manns hafa nú heitið á hlaupa­hópinn Hlaupum fyrir Berg­lindi og hafa rúm­lega sjö milljón krónur safnast en hlaupa­hópurinn ætlaði að hlaupa í Reykja­víkur­mara­þoni Ís­lands­banka fyrir Berg­lindi Gunnars­dóttur, 27 ára lækna­nema og lands­liðs­konu í körfu­bolta, sem slasaðist al­var­lega í rútu­slysi fyrr á árinu.

Líkt og Frétta­blaðið greindi frá á sínum tíma voru hjúkrunar- og lækna­nemar við Há­skóla Ís­lands á leið í skíða­ferð á Akur­eyri þann 10. janúar og voru nem­endurnir í tveimur rútum. Önnur rútan valt við skammt frá Blöndu­ósi en um 50 lækna­nemar voru um borð og þurfti að flytja þrjá nem­endur með al­var­lega á­verka með sjúkra­flugi til Reykja­víkur.

Ein þeirra sem slasaðist al­var­lega var Berg­lind en hún greindi í byrjun febrúar frá reynslunni á Face­book síðu sinni. „Fyrst eftir slysið gat ég lítið sem ekkert hreyft mig og skynið var brenglað. Mestu máli skipti þó að ég var á lífi, hausinn 100% í lagi og ég er enn­þá sama Berg­lind,“ sagði Berg­lind í færslunni en hún sagði langt endur­hæfingar­ferli vera fram undan.

Rætt var við Berg­lindi í sport­pakka Stöðvar 2 í gær­kvöldi en þar sagði hún að það hafi ekki verið góð til­finning að finna það að vera lömuð fyrir neðan axlir en hún slasaðist al­var­lega á hálsi og mænu við slysið. „Ég leit í rauninni á þetta verk­efni eins og hver önnur í­þrótta­meiðsl. Ég ætlaði bara að komast í gegnum þetta og ná sem mestum bata,“ sagði Berg­lind í við­talinu en hún sagði hugar­farið hafa skipt miklu máli í gegnum ferlið.

„Staðan er sú að ég nota tvær hækjur oftast þegar ég er úti, er farin að sleppa þeim svo­lítið heima. Þannig ég get gengið en hraðinn er ekki mikill og út­haldið enn þá minna,“ sagði Berg­lind enn fremur. „Þetta er samt ekki búið, það er langur vegur fram­undan.“

Þrátt fyrir að Reykja­víkur­mara­þonið fari ekki fram í ár vegna kóróna­veiru­heims­far­aldursins fer fram sér­stakt hlaup í Stykkis­hólmi sem er heima­bær Berg­lindar. „Reikningur þessi er hugsaður til að létta undir með Berg­lindi í kostnaðar­sömu endur­hæfingar­ferli en einnig til að hjálpa Berg­lindi að komast aftur út í lífið sam­hliða á­fram­haldandi endur­hæfingu,“ segir í út­skýringu hlaupa­hópsins á heima­síðu hlaupsins.

Hægt er að heita á hlaupa­hópinn Hlaupum fyrir Berg­lindi hér.