Hugvit og sá iðnaður sem af því skapast verður drifkraftur vaxtar á 21. öldinni rétt eins og hagkvæm nýting náttúruauðlinda var forsenda vaxtar á 20. öldinni og í byrjun þessarar aldar. Náttúran hefur getið af sér verðmætasköpun í sjávarútvegi, iðnaði með orkuframleiðslu og í ferðaþjónustu. Hafa þau verðmæti skilað landsmönnum lífskjörum sem þykja með þeim bestu í heimi. Á næstu áratugum þarf að finna uppsprettur aukinna verðmæta og mun það gerast með nýsköpun. Á sama tíma og blikur eru á lofti í ferðaþjónustu hefur Ísland fallið um 10 sæti í alþjóðlegri mælingu á nýsköpun í ríkjum heims. Þetta er hættuleg blanda fyrir þjóðarbúið og snúa þarf taflinu við áður en það verður of seint.
Nánar á
http://www.vb.is/skodun/haettuleg-blanda-fyrir-thjodarbuid/148735/
