Flest bendir til þess að mengunarský verði yfir borginni á nýársnótt. Svifryk og önnur loftmengun settu svip sinn á síðustu áramót, þegar stafalogn var yfir borginni. Fyrir vikið myndaðist þykkur mengunarmökkur yfir höfuðborginni eftir skotgleði nýársnæturinnar. Álíka mengun gæti verið í vændum, ef marka má veðurspá í borginni annað kvöld.
Þorsteinn V. Jónsson veðurfræðingur segir í samtali við Fréttablaðið að flest bendi til þess að leiðinda mistur verði yfir borginni fram á nótt annað kvöld. „Það verður hægur vindur annað kvöld en ekki alveg logn. Það gæti dottið niður um nóttina og þá gæti komið þessi leiðindastybba,“ segir Þorsteinn sem segir að spár benda til þess að meiri vindur verði í Vesturbæ Reykjavíkur, en minni til að mynda í Austurbænum og fleiri hverfum þar sem mengun gæti verið meiri.
Nánar á
https://www.frettabladid.is/frettir/logn-og-mengun-i-borginni-anna-kvoeld
