Gylfi Þór Sigurðsson, landsliðsmaður og leikmaður Everton í ensku úrvalsdeildinni, meiddist á hné í leik Everton og Brighton á laugardag. Ólafur Már Sigurðsson, bróðir Gylfa, segir ljóst er að meiðslin sé alvarleg, samkvæmt frétt RÚV. Hnéð sé mjög bólgið.
Gylfi lék allan leikinn með Everton á laugardag eftir að hafa fengið slink á hnéð um miðjan fyrri hálfleik.
Everton hefur sent frá sér yfirlýsingu vegna meiðslanna. Þar segir að Gylfi hitti sérfræðing í kvöld og þá komi betur í ljós hversu lengi hann verði frá en að Everton óttist að Gylfi gæti verið frá keppni í nokkrar vikur.
Nú eru þrír mánuðir þar til Ísland mætir Argentínu í fyrsta leik á HM í Rússlandi.
