Trúarleiðtogar gyðinga í Evrópu eru ósáttir við lagafrumvarp Silju Daggar og átta annarra þingmanna um að umskurður barna almennt verði bannaður með lögum að viðlagðri fangelsisrefsingu í stað þess að slíkt bann nái aðeins til stúlkna eins og nú er raunin.
\"Ég gerði mér grein fyrir því að þetta mál myndi vekja athygli hér á Íslandi en ég bjóst ekki við viðbrögðum frá rabbínum í útlöndum,“ segir Silja Dögg Gunnarsdóttir, þingmaður Framsóknarflokksins í samtali við mbl.is sem vakti fyrst miðla athygli á umkvörtunum rabbína vegna þessa.
Hún segist hafa fengið mjög góð viðbrögð hérna heima við frumvarpinu og þetta mál sé ekki bundið við neina pólitík: \"Ég held að Íslendingar horfi á þetta sem barnaverndarmál og það er ástæðan fyrir því að ég legg þetta fram.“
Silja Dögg segist alls ekki vilja tengja málið við trúarbrögð, það eigi fyrst og fremst að snúast um barnavernd: \"Löggjafinn á að gæta sérstaklega að réttindum barna vegna þess að þau geta ekki varið sig gegn ofbeldi,“ segir hún við vefinn
