Guðlaugur Þór kærir Áslaugu Örnu – Dularfull símtöl rakin til aðgangs að persónuupplýsingum

Guð­laugur Þór Þórðar­son utan­ríkis­ráð­herra hefur kært flokks­systur sína Ás­laugu Örn Sigur­björns­dóttur dóms­mála­ráð­herra fyrir að brjóta reglur í próf­kjöri Sjálf­stæðis­flokksins í Reykja­vík. Prófkjörið hefst á morgun og eru þau bæði í fyrsta sæti.

Kæran var send stjórn Varðar og óskað eftir að hún bærist til yfir­kjör­stjórnar.

„Í ljós hefur komið að Magnús Sigur­björns­son, bróðir Ás­laugar Örnu Sigur­björns­dóttur, fram­bjóðanda í próf­kjörinu og kosninga­stjóri, hafði að­gang að flokks­skrá Sjálf­stæðis­flokksins, það er ná­kvæmar og stöðugt upp­færðar upp­lýsingar um flokks­menn, í að­draganda próf­kjörsins og eftir að fram­boðs­frestur í próf­kjörinu rann út,“ segir í kærunni.

Skrif­stofa Sjálf­stæðis­flokksins hafði ekkert að­hafst í málinu fyrr en um­boðs­maður fram­boðsins hafi óskað eftir upp­lýsingum síðast­liðinn mánu­dag um hverjir hefðu að­gang að flokks­skránni og hvort Magnús Sigur­björns­son hefði að­gang að henni. Eftir at­hugun hafi starfs­maður á skrif­stofu flokksins stað­fest að Magnús hefði að­gang að flokks­skránni. Síðan er sagt að stað­fest hafi verið að að­gangi Magnúsar hafi verið lokað á þriðju­daginn.

„Þessar upp­lýsingar eru sér­stak­lega á­huga­verðar í ljósi á­bendinga sem borist hafa, meðal annars um að ný­skráðir Sjálf­stæðis­menn hafi fengið sím­tal frá fram­boði Ás­laugar Örnu þar sem þeir eru boðnir vel­komnir í flokkinn. Rennir það stoðum undir þá á­lyktun að fram­boð Ás­laugar Örnu hafa haft að­gang að þessum ná­kvæmu per­sónu­upp­lýsingum og nýtt þær í þágu fram­boðsins,“ segir í kærunni.