Guð­mundur ingi um skerðingar á jóla­bónus veiks fólks og eldri borgara: „gróft fjár­hags­legt of­beldi“

Guð­mundur Ingi Kristins­son, þing­maður Flokks fólksins, fór hörðum orðum um jóla­bónusa til handa veiku fólki og eldri borgurum í að­sendri grein sem birtist í Morgun­blaðinu fyrir helgi.

„Þá er það ekkert annað en gróft fjár­hags­legt of­beldi að segjast borga veiku fólki og eldri borgurum jóla­bónus upp á um 44.500 krónur og skatta og skerða hann síðan í spað, þannig að ekkert er eftir,“ skrifar þing­maðurinn og heldur á­fram:

„Jú, auð­vitað hjá sumum er tapið eftir og það hjá þeim sem verst fara út úr þessari furðu­legu jóla­gjöf. Þetta sama skatta- og skerðinga­plat er einnig gert við or­lofs­upp­bótina að sumri til. Það væri hægt að borga þennan jóla­bónus skatta- og skerðinga­lausan í um 50 til 100 ár til ör­yrkja og eldri borgar fyrir tapið hjá Í­búða­lán­sjóði.“

Guð­mundur vísar næst í tap Í­búða­lána­sjóðs upp á 150 til 300 milljarða og spyr hvort það sé ekki kostnaður fyrir ríkis­sjóð einnig, líkt og Bjarni Bene­dikts­son, fjár­mála­ráð­herra, kallaði leið­réttinguna á skerðingu líf­eyris­launa eldri borgara hjá Trygginga­stofnun þegar málið var rætt á Al­þingi.

Gagn­rýnir hann harð­lega að „hver einasta króna sem þessi ríkis­stjórn þarf að borga til ör­yrkja og eldri borgara“ sé flokkuð sem kostnaður á meðan tapið hjá Í­búða­lána­sjóði myndi duga í tæp sex ár fyrir skatta og skerðingar­leysi á líf­eyris­launum upp á 300 þúsund á mánuði fyrir hópinn hjá Trygginga­stofnun.

„Þings­á­lyktunar­til­laga Flokks fólksins um að ör­yrkjar fengju 300.000 krónur skatta- og skerðingar­laust var felld á Al­þingi rétt fyrir jól. Kostaði of mikið og þetta væri brot á jafn­ræðis­reglunni og með henni væri verið að mis­muna at­vinnu­lausum og náms­mönnum. Hvar er þessi jöfnuður þegar lág­marks­laun eru 300.000 á mánuði, at­vinnu­lausir fá 280.000 á mánuði og flestir ör­yrkjar fá 250.000 krónur fyrir skatt?“

Guð­mundur setur þetta svo í sam­hengi við kostnað ríkisins vegna þing­manna:

„Þá er auð­vitað farið eftir jafn­ræðis­reglunni þegar við þing­menn fáum 181.000 krónur í jóla­bónus, at­vinnu­lausir 80.000 krónur og ör­yrkjar 44.500 krónur. Full­kominn jöfnuður þar? Það er furðu­legt að það sé alltaf kostnaðar­tal sem fer af stað þegar á að borga ör­yrkjum, eldri borgurum og at­vinnu­lausum hækkun á þeirra líf­eyri. Líf­eyris­launa­þegar hjá Trygginga­stofnun ríkisins eru þeir einu sem ekki hafa fengið leið­réttingu á sínum líf­eyri aftur í tíma og það frá hruninu, eins og allir aðrir hafa fengið. Er það jöfnuður?“