Landakotskirkja braut á samkomubanni í annað sinn í dag þegar allt of margir voru komnir saman þar inni til messu á öðrum tímanum. RÚV greindi fyrst frá málinu en málið er nú í rannsókn lögreglu.
Yfir fimmtíu manns voru komnir saman við messu sem fór fram á pólsku í kirkjunni í dag.
Í upptöku frá messunni má sjá sóknarprestinn með grímu en hann gengur á milli kirkjugesta hver á fætum öðrum og færir þeim oblátu í munn.
Stjórnvöld: núna er heimsfaraldur og við skulum passa fjarlægð og snertingar...
— Gudni Halldórsson (@GudniKlipp) January 3, 2021
Kirkjan: Þegar þú talar um fjarlægð og snertingar...á ég þá ekki að mata hóp af fólki með höndum mínum og næstum troða puttunum mínum upp í þau... pic.twitter.com/TBF0k6guEO
Patrick Breen, staðgengill biskups kaþólsku kirkjunnar og sóknarprestur í Landakotskirkju sagði í samtali við Fréttablaðið í dag að nóg pláss væri í kirkjunni fyrir fimmtíu manns til að koma saman, þrátt að fyrir tíu manna samkomubann sé í gildi. Þá sagði hann að vel væri hægt að virða tveggja metra reglu og aðrar sóttvarnareglur þó svo að fleiri en tíu séu inni í kirkjunni samtímis. Svo virðist sem að presturinn í messunni hafi þó ekki verið á sama máli um að virða aðrar sóttvarnareglur, t.d. hvað varðar tveggja metra regluna og snertingu.
