Götuverð kókaínsins 560 milljónir

Sölu­verðmæti þeirra fjög­urra kílóa af kókaíni sem ís­lenskt par var tekið með í Bras­il­íu á ann­an dag jóla gæti verið allt að 560 millj­ón­ir ís­lenskra króna, að því er Þór­ar­inn Tyrf­ings­son, yf­ir­lækn­ir SÁÁ segir.

Hann seg­ir í samtali við Morgunblaðið í dag al­gengt að kókaín sé notað sem gjald­miðill inn­an fíkni­efna­heims­ins, t.d. sem greiðsla fyr­ir smygl. Neysl­an hafi minnkað eft­ir hrun, en sé nú að aukast á ný.

Að sögn Þór­ar­ins er verðið á hverju grammi kókaíns á bil­inu 15.000 - 20.000 krón­ur: \"Það fer tals­vert eft­ir styrk­leik­an­um, þ.e. hversu hátt hlut­fall er hreint kókaín. Þá er verðið líka mis­mun­andi eft­ir árs­tím­um og hvenær sól­ar­hrings­ins viðskipt­in eiga sér stað. Verðið er t.d. hærra á sumr­in og í kring­um ára­mót­in. Það er líka dýr­ara að kvöld­lagi,“ seg­ir Þór­ar­inn við blaðið.

Hann seg­ir þar ennfremur að fjög­ur kíló af kókaíni geti vel orðið að 28.000 sölu­skömmt­um því hvert kíló geti sex- til sjö­fald­ast við blönd­un ým­issa efna. Al­gengt sé að hver skammt­ur sé eitt gramm: \"Nú veit ég ekki hversu hreint efnið er sem var tekið þarna úti, en efn­in sem smyglað er og þau sem eru hald­lögð eru oft­ast tals­vert sterk­ari en þau eru þegar þau enda svo á göt­unni. Efn­in sem eru til sölu hér eru oft veik­ari en í öðrum lönd­um, en styrk­leik­inn er mis­mun­andi eft­ir því hversu sterkt efni er í gangi hverju sinni“ seg­ir Þór­ar­inn í Morgunblaðinu í dag og bendir á að Brasilía sé algengur byrjunarreitur fyrir kókaín sem komi hingað til lands.