Í þættinum Lífsins list í kvöld heimsótti Sirrý Sætabrauðsdrengi sem voru að æfa sig fyrir tónleika á Austurlandi. Allar æfingar Sætabrauðsdrengja byrja á því að því að borða eitthvað gómsætt, en í þetta skipti bauð matreiðslumaðurinn Albert Eiríksson upp á arfapestó og Bounty tertu. Hér eru uppskriftir úr þætti kvöldsins:
Arfapestó
3-4 rif hvítlaukur
2 msk furuhnetur
2 msk sólblómafræ
3 b haugarfi
1 b basilíka
1/2 b ólífuolía
safi úr hálfri sítrónu
1/2 b Parmasan ostur
salt og pipar.
Skolið arfann og basilíkuna. Setjið allt í matvinnsluvélina og maukið vel.
Furuhnetur eru rándýrar og því má nota sólblómafræ til helminga.
Bounty terta
1 b döðlur
2 1/2 b kókosmjöl
1/4 b kókosolía
1/2 b kasjúnnetur
rifinn börkur af einni appelsínu
1 tsk vanilla
salt
krem:
100 g dökkt gott súkkulaði
2 msk kókosolía
Skerið döðlurnar frekar smátt og leggið í bleyti ásamt kasjúhnetum í um 20 mín. Hellið mesta vatninu af og maukið í blandara. Bætið við kókosolíu, kókosmjöli, appelsínuberki vanillu og salti og blandið áfram í stutta stund. Setjið kringlótt mót á tertudisk, þrýsið „deiginu” þar í.
Bræðið súkkulaði og kókosolíu yfir vatnsbaði og hellið yfir tertuna. Kælið í amk klst. eða yfir nótt.
Uppskriftirnar eru báðar af vefsíðu Alberts sem finna má hér.
