Glitnir HoldCo hefur farið fram á heimild Hæstaréttar til að áfrýja lögbannsmáli gegn Stundinni og Reykjavik Media til réttarins, og freistar þess þannig að fá lögbannið staðfest á þriðja dómsstigi eftir að hafa tapað málinu í héraðsdómi og Landsrétti.
Stundin hélt áfram umfjöllun sinni, sem lotið hafði lögbanni, í síðasta tölublaði sínu sem kom út á föstudag.
Nú er það því í höndum Hæstaréttar að ákveða hvort Glitnir HoldCo fái málinu áfrýjað, þar sem tekin yrði afstaða til þess hvort lögmætt hafi verið af Sýslumanninum í Reykjavík að leggja lögbann á umfjöllun Stundarinnar. Bæði héraðsdómur og Landsréttur töldu lögbannið hafa „raskað grundvallargildum tjáningarfrelsisins og rétti einstaklinga til að taka við upplýsingum og mynda sér skoðun á samfélgslegum málefnum“. Verði áfrýjunarbeiðni Glitnis hafnað er því endanlega lokið fyrir íslenskum dómstólum.
Nánar á
https://stundin.is/grein/7747/
