Vilborg Oddsdóttir, félagsráðgjafi hjá Hjálparstarfi kirkjunnar segir að ákveðnir þættir ráði því hver teljist sárafátækur hér á landi en tvö prósent þjóðarinnar búa við sárafátækt eða um 6400 einstaklingar, bendir hún á.
Tvö prósent þjóðarinnar búa við sárafátækt eða um 6400 einstaklingar. Þetta bendir VilborgVilborg Oddsdóttir, félagsráðgjafi hjá Hjálparstarfi kirkjunnar á í grein sem hún birti í Fréttablaðinu í dag. Hún segir að tiltekinn spurningalisti sé lagður fyrir fólk og merki játandi í fjórum eða fleiri spurningum teljist það sárafátækt. Sammerkt með fólki í þessum hópi er að tekjur eru mjög lágar, um það bil 170 þúsund á mánuði, heilsubrestur, húsnæðiserfiðleikar og flestir væru einstæðir, með börn eða án þeirra og fjölskyldutengsla. Vilborg segir að fólk sem tilheyri þessum hópi fá mjög „kerfisbundna“ þjónustu en ekki einstaklingsmiðaða sem ætti að vera betri kostur. „Ég tel að kjörnir fulltrúar og þeir sem vinni innan kerfisins þurfi að hitta þetta fólk í eigin persónu og fá nánari upplýsingar hjá þvi sjálfu hvað gæti komið þeim til hjálpar“, segir Vilborg og að fólkið sjálft viti best hvað þarf til að hjálpa því út úr fátækt. Aðspurð hvort að áskrift að EM leikjum sé ekki lúxus en slíkt þykir bera merki um fátækt, sagði Vilborg að það teljist ekki munaður að fólk hafi efni á ánægjustundum eins og að geta deilt upplifun af fótboltanum með vinum sínum. Fátækt sé að geta ekki tekið þátt í samfélaginu og sameiginlegri gleði þess, segir Vilborg.
Kannski skemmir þetta alla stemmninguna hjá þjóðinni sem tekur á móti EM strákunum heim í dag, segir Vilborg en að það sumir tímar séu betri en aðrir til að ræða þetta málefni: „Til dæmis fyrir kosningar og þegar tekjublaðið kemur út“.
