Lögregla handtók í gær karlmann um fertugt í tengslum við rannsókn ríkissaksóknara á meintum brotum lögreglumanns, sem setið hefur í gæsluvarðhaldi frá 29. desember.
Frá þessu greinir Ríkisútvarpið.
Fram kemur hjá Rúv að hinn handtekni hafi hlotið dóm fyrir fíkniefnalagabrot, en ekki liggi fyrir á þessari stundu hvort krafist verði gæsluvarðhalds yfir honum.
Rannsókn málsins beinist samkvæmt heimildum Hringbrautar að meintum ólöglegum samskiptum við brotamenn.
Gæsluvarðhald yfir hinum lögreglumanninum, sem er nálægt fimmtugu, rennur út á föstudag en hann hefur setið í einangrun.
