Gísli Marteinn Baldursson spurði lögregluna í dag, á Twitter-síðu, eftir hverju hún bíði með að sekta ökumenn sem keyra um á nagladekkjum. Samkvæmt reglugerð er bannað að keyra á nagladekkjum á tímabilinu frá 15. apríl til 31. október. Tíu dagar eru síðan nagladekk voru bönnuð í höfuðborginni og veðurfar undanfarið verið með blíðasta móti. Samt sýnist Gísla fullmargir enn fara ferða sinna um á negldum dekkjum
Í erindi sínu til lögreglu bendir hann á að svifryk, sem stafar af miklu leyti af notkun nagladekkja, dragi árlega til dauða tugi manns. Hann hvetur lögreglu til að taka á þessum „lögbrjótum“ á tafar með fjársektum var nýlega voru hækkaðar talsvert.
Hvernig er það @logreglan eruð þið ennþá að gá til veðurs til að sjá hvort það muni gera norðanáhlaup á næstunni eða er byrjað að sekta þá lögbrjóta sem eru ennþá á spæna upp malbiki og svifryki á nöglunum sínum? Svifryk dregur tugi til dauða árlega og naglar bera mesta ábyrgð.
— Gísli Marteinn (@gislimarteinn) April 25, 2022
Gísli hefur áður tjáð vanþóknun sína á notkun nagladekkja í höfuðborginni áTwitter og rætt skaðsemi þeirra á heilsu og velferðborgarbúa. Þá hefur hann líka sett út á meint aðgerðaleysi lögreglu við að stemma stigu við því að dekkin séu notuð lengur en lög kveða á um.
