Gengi krónunnar er yfirkeyrt og er því langt yfir raunvirði. Raunvirði er það gengi sem tryggir útflytjendum viðunnandi kjör og neytendum lægsta mögulegt verðlag á innfluttum varningi.
Ole Anton Bieltvedt alþjóðlegur kaupsýslumaður skrifar grein í Morgunblaðið í gær.
Hann segir vexti hér allt of háa. Ole Anton nefnir að verðbólga á Íslandi sé mínus 2,6% og með húsnæðiskostnaði sé verðbólgan hér 1,7% en fæstir reikna þann kostnað inn í verðbólguna.
Þetta kunni að rugla ríkisstjórnina í ríminu. Hún telji að vaskur sé tilvalið tæki til gengisstýringar krónunnar. Þess vegna boði hún tvöföldun vasks á ferðaþjónustuna.
Hvernig á Ísland sem er dýrasta ferðamannland Evrópu að keppa við önnur lönd með 22,5% vask á meðan þau greiða að meðaltali 9,8% vask.
Með framangreindri ákvörðun ríkisstjórnarinnar á vaskur á ferðþjónstuna að fara úr 11% í 22,5%.
Auðvitað er íslenska ferðaþjónustan í samkeppni við mörg erlend fyrirtæki. Hafa ráðherrar í ríkisstjórn Íslands skoðað vask stöðu í öðrum löndum?
Hér eru nokkrar tölur sem Ole Anton tilgreinir.
Noregur 8%. Eistland 9%. Lettland 12%. Litháen 9%. Svíþjóð 12%. Finnland 9%. Danmörk 25%. Þýskaland 7%. Holland 6%. Belgía 6%. Spánn 8%. Portúgal 6%.
Hvernig á Ísland sem er nú þegar dýrasta ferðamannaland Evrópu að keppa við önnur lönd með nýjan vask upp á 22,5% meðan þau greiða að meðaltali 9,8% vask?
Grein Ole Anton er á blaðsíðu 34 í blaðinu.
rtá
