Gætum tekið við 2000 flóttamönnum

Rauði kross­inn ætti alltaf að vera í stakk bú­inn til þess að taka á móti flótta­mönn­um, sama hversu marg­ir þeir verða, að sögn Björns Teits­son­ar upplýsingafulltrúa Rauða kross­ins.

Rætt er við Björn í Morgunblaðinu í dag en þar segir hann að það séu í sjálfu sér eng­in tak­mörk á því hversu marga sjálf­boðaliðar gætu aðstoðað, en þó þyrfti líklega að fjölga þeim: \"Eins og umræðan er núna og það er ákveðin vit­und­ar­vakn­ing í gangi í sam­fé­lag­inu, býst ég við að þeim eigi eft­ir að fjölga talsvert,\" segir Björn við blaðið og bætir við. \"Ég myndi segja að fram­boðið ætti að vera svipað og eft­ir­spurn­in; komi til þess að við tök­um við fleiri flótta­mönn­um, sem ég reynd­ar vona að við ger­um, þá held ég að við mun­um ekki eiga eft­ir að lenda í nein­um vand­ræðum með að fá fólk til liðs við okk­ur sem er til­búið að hjálpa,“ seg­ir Björn og bend­ir á að hægt sé að skrá sig sem sjálf­boðaliði á vefsíðu Rauða kross­ins.

Björn seg­ir Svíþjóð og Þýska­land hafa verið þau ríki sem hafa verið til fyr­ir­mynd­ar við að taka á móti flótta­fólki og tíma­bært sé að Íslend­ing­ar taki það skref sem Sví­ar og Þjóðverj­ar hafa gert. „Íslend­ing­ar hafa verið svo­lítið að halda að sér hönd­um við að taka á móti flótta­fólki, ég veit ekki al­veg hvers vegna það er. En al­mennt hef­ur reynsl­an verið góð af því flótta­fólki sem við höf­um tekið við. Al­veg frá því við tók­um við ung­versku fólki árið 1956,“ seg­ir hann og bæt­ir við: 

\"Á þess­ari stundu stönd­um við frammi fyr­ir mesta flótta­manna­vanda í mann­kyns­sög­unni, það hafa ekki verið svona mikl­ir mann­flutn­ing­ar síðan í seinna stríði og við verðum að spyrja okk­ur hvort við vilj­um end­ur­taka reynsl­una frá því þá; þegar við gát­um boðið gyðinga vel­komna hingað en gerðum ekki. Ég ef­ast um að Íslend­ing­ar vilji horf­ast í augu við slíkt, að hafa haft tæki­færi til þess að hafa já­kvæð áhrif á sög­una en henda því frá sér,“ segir Björn við Morgunblaðið í dag.